Robotlarla öyrən

Təlim proqramında şagirdlər daha mürəkkəb konstruktiv modellər və mexaniki sistemlər quraraq mühəndislik prinsipləri və proqramlaşdırma əsaslarını mənimsəyəcəklər. Onlar mexaniki strukturların quruluşunu, elementlər arasındakı funksional əlaqələri və fiziki hərəkət mexanizmlərini araşdıracaq, real mühəndislik problemlərinə texniki və yaradıcı həllər hazırlayacaqlar. Təlim prosesi şagirdlərin ardıcıllıq, məntiq, alqoritmik düşünmə və proqramlaşdırma bacarıqlarını inkişaf etdirməsinə şərait yaradır, şagirdlər hazırladıqları modelləri sınaqdan keçirir, nəticələri təhlil edir və daha effektiv nəticə əldə etmək üçün konstruksiyalarını təkmilləşdirirlər. Eyni zamanda onlar komanda ilə əməkdaşlıq, layihə planlama, ideya müzakirəsi, təqdimat və kommunikasiya bacarıqlarını gücləndirir, texniki savadlılıq və problem həll etmə qabiliyyətlərini inkişaf etdirirlər. Bu proses sayəsində iştirakçılar həm yaradıcı, həm analitik düşünmə bacarığı qazanır, həm də mühəndislik yanaşmasını real tətbiqlərlə mənimsəyərək gələcəkdə daha mürəkkəb mühəndislik və robototexnika layihələrinə keçid üçün baza formalaşdırırlar.